Benvida/o ó blog do CDR " O Viso"

Benvida, benvido ó blog do Centro de Desenvolvemento Rural "O Viso".................. O que cres é o que creas.

domingo, 20 de agosto de 2017

Sor Dorinda Sotelo: retrato na igrexa de Lodoselo


José R. Carballo, arzobispo de Belcastro, Pepe, para os veciñ@s, presidiu un acto o día 17 de agosto na igrexa de Lodoselo, que el mesmo califica de moi emotivo na prensa. 

«El jueves tuvimos un acto muy emotivo en la iglesia de Lodoselo. Se inauguró allí un retrato de la que será la primera beata del municipio de Sarreaus, Dorinda Sotelo Rodríguez. Tendrá ese reconocimiento el 11 de noviembre en Madrid. Es una gran noticia y un enorme orgullo para un pueblo pequeño», aseguró.
Dorinda Sotelo fue una novicia de la orden de las Hijas de la Caridad que murió en 1936 con tan solo 21 años. Fue la mayor de cuatro hermanos. Hija de labradores muy humildes, fue asesinada al inicio de la Guerra Civil. «Su cuñada aún vive en el pueblo y tiene sobrinas allí», comenta el arzobispo. La provincia ourensana cuenta en la actualidad con dos santos y veinte beatos.












domingo, 9 de julio de 2017

Campamento verán 2017

Fomos engadindo aquí algunhas imaxes do día a día... Na rectoral; no campo da Lama; na aula da Natureza (act. ambientais de recoñecemento de árbores e contacontos nas cabanas); nos diferentes obradoiros; cos animais; na piscina municipal de Sarreaus; coa actividade de cociña intercultural (Noruega, Hawai, México, Marrocos); coas tendas de acampada; nos desprazamentos...  Con Belén e Iñaqui de Alicornio Organic Liquors / Licores Ecolóxicos Alicornio en Sarreaus; vendo o nacemento de dous años; montando unha verbena dun pobo con bar, orquestra, colchonetas e tiro... Pasándoo ben! Moitísimas grazas a tod@s os que fixestes isto posible. Parabéns!!!

viernes, 12 de mayo de 2017

Xeada matadora o 27 de abril



Despois dun mes de abril cunhas temperaturas cálidas, aínda que con escasísimas precipitacións, viñeron unhas xeadas (falouse de menos sete e menos oito graos) que deixaron aniquilados todos aqueles brotes que estaban vizosos polo bo tempo. 
Así as patacas que brotaran, os plantíos que se puxeran (verza, remolacha...), os castiñeiros, os nogais... e ata algúns carballos (o quercus pyrenaica) sufriron unha noite aniquiladora. A froita que xa se vía enxendrada (algunhas cereixas, peras...) tamén quedou chamoscada. O centeo, o trigo, a herba, o buxo de arredor da vivenda comunitaria... Muchou todo!
O vento destes días estalles arrincando as follas e nalgúns momentos isto parece o outono. 

Algunha xente maior lembrávanos o ano da fame; de cando veu unha xeada así e levara o pan...
Afortunadamente son outros tempos e temos outros posibles (que entón non había) pero é sangrante  pasear polo nosa contorna e ver o que lle está costando á natureza reporse; mesmo en algunha árbore que quedou totalmente abrasada estalle abrindo a casca... Chegará a secar?